Оштун мэри кичинекей кыздын каалоосун ишке ашырды

Оштун мэри кичинекей кыздын каалоосун ишке ашырды. 

Мэриядан кабарлашкандай, Ош шаарынын кичинекей тургуну мэр Жеңишбек Токторбаевге бир иш-чарада жолугуп, Анар кичи районундагы №10 көп кабаттуу үйдүн алдындагы жолду асфальттап берүүнү сураган.

Мэр жеринде бул маселе боюнча тиешелүү жетекчилерге тапшырмаларды берген эле.

"Мектеп окуучусунун кайрылуусунун негизинде, мэрдин тапшырмасына ылайык, аталган кичи райондогу №9 жана №10 көп кабаттуу үйлөрдүн алдындагы жолдорго асфальт төшөө иштери башталды. Ошондой эле ирригациялык лотоктор да курулууда", – деп айтылат маалыматта.