Бишкетке Борбор Азиянын киберукуктук форуму өтөт

Бишкекте 10-декабрда  санариптик укукка жана технологияларды жөнгө салууга арналган ири аймактык иш-чара болгон DLAW Forum 2025 Борбор Азия Киберукук Форуму өтөт.

Форум Кыргыз Республикасынын Санариптик өнүктүрүү министрлигинин, Улуттук юридикалык корпорациянын жана Жогорку технологиялар паркынын колдоосу менен уюштурулууда. Ага эксперттер, Борбор Азия өлкөлөрүнүн мамлекеттик органдарынын өкүлдөрү, эл аралык уюмдар жана технологиялык компаниялар катышат.

Форумдун негизги темасы - инновация менен укуктук жөнгө салуунун ортосундагы тең салмактуулукту табуу. Катышуучулар тез технологиялык өнүгүүгө байланыштуу кыйынчылыктарды жана мүмкүнчүлүктөрдү, ошондой эле туруктуу санариптик чөйрөнү түзүүнүн чечимдерин талкуулашат.

Казакстан, Өзбекстан, Тажикстан, Россия, Кытай, Пакистан, Сербия жана башка өлкөлөрдөн коноктор келиши күтүлүүдө. Форумдун программасына жасалма интеллект, санариптик атаандаштык, чек ара аралык маалыматтар жана аймактын санариптик келечегинин архитектурасы боюнча талкуулар кирет.

2026-жылы күчүнө кире турган Кыргызстандын жаңы Санариптик кодексинин презентациясына өзгөчө көңүл бурулат. Уюштуруучулар форум аймактык кызматташтыкты чыңдоодо жана санариптик экономиканы жөнгө салуунун жалпы ыкмаларын иштеп чыгууда маанилүү кадам болорун белгилешет.