Кыргызстан менен Венгрия кандай кызматташат: Кол коюлган келишимдер

Венгриянын Премьер-министри Виктор Орбандын Кыргыз Республикасына болгон расмий сапарынын алкагында бүгүн, 5-ноябрда, кыргыз-венгер кызматташтыгын мындан ары өнүктүрүүгө жана чыңдоого багытталган бир катар эки тараптуу документтерге кол коюлду.

Ошондо төмөнкү документтерге кол коюлду:

• Кыргыз Республикасы менен Венгриянын ортосундагы Кеңейтилген стратегиялык өнөктөштүк жөнүндө биргелешкен декларация;
• Кыргыз Республикасынын Министрлер Кабинети менен Венгрия Өкмөтүнүн ортосундагы Аба катнашы жөнүндө макулдашуу;
• Кыргыз Республикасынын Финансы министрлигине караштуу Мамлекеттик бажы кызматы менен Венгриянын Улуттук салык жана бажы администрациясынын ортосунда кадрларды даярдоо жана кесиптик квалификациясын жогорулатуу жаатында кызматташуу жөнүндө Меморандум;
• Кыргыз Республикасынын Юстиция министрлиги менен Венгрия Республикасынын Юстиция министрлигинин ортосундагы 2025-2027-жылдарга кызматташтык программасы;
• Кыргыз Республикасынын Билим берүү жана илим министрлиги менен Венгриянын Тышкы иштер жана соода министрлигинин ортосундагы 2025-2027-жылдарга STIPENDIUM HUNGARICUM программасынын алкагында кызматташуу боюнча өз ара түшүнүшүү жөнүндө Меморандум.