Эмгек министри: Ардагерлердин эрдиги – бүгүнкү жаркын келечектин негизин түздү

Эмгек, социалдык камсыздоо жана миграция министри Равшанбек Сабиров кыргызстандыктарды Улуу Жеңиш күнү менен куттуктады. 

Министрдин куттуктоосунда мындай деп айтылат:

"Урматтуу мекендештер!

Сиздерди 9-Май — Улуу Жеңиш күнү менен чын жүрөктөн куттуктайм!

Бул күн — эркиндикти, тынчтыкты жана баатырларды эскерген улуу күн. Улуу Ата Мекендик согуштун ардагерлерине жана тылда эмгектенген ардактуу инсандарыбызга башыбызды ийип таазим этебиз. Алардын кайратмандыгы, кайгылуу жылдардагы сабыры жана эрдиги – бүгүнкү тынч турмуштун, жаркын келечектин негизин түздү.

Жеңиш – бул ар бир үй-бүлөнүн көз жашы, талыкпаган эмгеги жана кайратмандыгы менен келген баа жеткис байлык.

Урматтуу ардагерлер жана жалпы мекендештер! Сиздерге бекем ден соолук, узун өмүр, ар бир үй-бүлөгө тынчтык жана бакубат турмуш каалайм. Тынчтык болсун, согуш кайталанбасын!

Майрамыңыздар менен! Улуу Жеңиш күнү кут болсун!".