"Манас сууканал" башкармалыгы тарифтерди 20%га жогорулатууну сунушталды

"Манас сууканал" башкармалыгы жаңы кошулган аймактарга суу жана саркынды суу түтүктөрүн тартуу, жумушчулардын айлык акысын жогорулатуу (учурда жумушчулардын басымдуу бөлүгү 17-20 миң сом айлык акы алат) максатында суунун жана саркынды суунун төлөм тарифин жогорулатууну сунуштады.

Учурда шаар тургундары төмөндөгүдөй тариф менен төлөп келишет:

• Ичүүчү суунун 1 метр кубу – 12 сом 90 тыйын
• Саркынды суунун 1 метр кубу – 8 сом 60 тыйын.

Эгер сунуш кабыл алынса, жаңы тарифтер төмөнкүдөй болот:

• Ичүүчү суунун 1 метр кубу – 15 сом 48 тыйын.
• Саркынды суунун 1 метр кубу – 10 сом 32 тыйын.

Башкармалык түшкөн каражаттар толугу менен суу чарба тармагын өнүктүрүүгө жумшалаарын белгилейт.