ИИМдин аймактык бөлүктөрү жаңы унаа болушту

Бүгүн Ички иштер министрлигинде аймактык бөлүктөргө унааларды тапшыруу аземи болуп өттү, деп билдирет ведомствонун басма сөз кызматы. 

Иш-чарага ички иштер министри Улан Ниязбеков, министрдин орун басарлары, ИИМдин Борбордук аппаратынын башкы башкармалыктарынын, кызматтарынын, бөлүмдөрүнүн жетекчилери катышты.

Chevrolet Monza үлгүсүндөгү 16 унаа милициянын аймактык бөлүмдөрүнө, ал эми 7 унаа ИИМдин ЖКККББна, 2 унаа медициналык тез жардам унаасы ИИМдин Ички аскерлерине жана Медициналык башкармалыгына берилип, жалпы 25 унаа тапшырылды.

ИИМдин имаратынын алдында жаңы кызматтык унаалардын ачкычтарын тапшыруу иш-чарасы болуп, бардык тиешелүү каражаттар менен жабдылган унаалар бөлүнүп берилди.

Жаңы кызматтык унаалар бузууларга, жарандардын чакырууларына ыкчам аракеттерди көрүү үчүн арналган.