Казарман – Акталчат унаа жолунда асфальт төшөө иштери уланууда 

Казарман – Акталчат унаа жолунда асфальт төшөө иштери уланууда, деп билдирет Транспорт жана коммуникация министрлигинин басма сөз кызматы. 

Маалыматка ылайык, жолчулар тарабынан Бирдик-Арал-Карл-Маркс унаа жолунун 0-3-чакырымдар аралыгында автогрейдер менен тегиздөө жана калыбына келтирүү иштери жүргүзүлдү.

"Казарман – Акталчат унаа жолунун жалпы 2-5-чакырым аралыгында асфальт төшөө планга коюлган. Аталган жолдун 1,8 чакырымына асфальт басылды", - деп айтылат маалыматта. 

Жолдун калган бөлүгүнө суу өтүүчү түтүкчөлөр орнотулуп бүтүп, асфальт төшөөгө жер негизи даярдалып жатат.

Учурда 1,2 чакырым асфальт төшөлөт. 

Ошондой эле Түндүк-Түштүк альтернативдик жолунун Арал – Казарман участогунда таштандыларды тазалоо иштери жүрүп жатат.