Ноокендин Масы айылында муниципалдык нан бышыруучу цех ачылды

Ноокен районунун Масы айылында муниципалдык нан бышыруучу цех пайдаланууга берилди. Бул тууралуу президенттин Жалал-Абад облусундагы өкүлчүлүгүнөн кабарлашты. 

Долбоор “Жалал-Абад Айыл энерго” ачык акционердик коому жана “АРИС” уюму тарабынан каржыланып, 7 млн 850 миң сом акча каражаты жумшалган.

Облус башчысы Тилек Текебаев калкты жумуш менен камсыздоо, аймактын социалдык-экономикалык абалын жакшыртуу үчүн ири масштабдагы өндүрүштүк ишканаларды көбөйтүү зарылдыгын кошумчалады.