Түп районунда 275 орундуу мектептин курулушу аяктап калды
Мамкурулуш агенттиги тарабынан Ысык-Көл облусунун Түп районунун Тогуз-Булак айылында 275 орундуу мектептин курулушу аяктап калды.
Мектептин курулушу республикалык бюджеттин эсебинен 2022-жылы башталып, объекттин тендердик баасы 135 млн сомду түзөт.
Курулуп жаткан жаңы мектеп 3 блоктон турат.
Эки кабаттуу окуу корпус спорт зал, өтмө галереясы бар.
Ошондой эле, долбоор боюнча негизги окуу класстардан тышкары
- китепкана,
- ашкана,
- дарылоо бөлмөсү,
- компьютердик класс,
- химия,
- физика сабактары боюнча кабинеттер жана лабораториялар,
- кыздар үчүн кол эмгек кабинети жана эркек балдарга устакана каралган.
Мектептин жалпы аянты 1383 чарчы метрди түзөт.
Учурда мектептин курулуш-монтаждоо жумуштары 95 пайызга аткарылда.