Алкогол ичимдиктери 200дөн ашык ден соолук көйгөйлөрүнө байланыштуу

Дүйнө жүзү боюнча, алкоголдук ичимдиктерди зыяндуу колдонуу жыл сайын 3 миллион адамдын өлүмүнө алып келет, бул бардык өлүмдөрдүн 5,3%ын түзөт.

Спирт ичимдиктерин зыяндуу колдонуу оору жана травма менен байланышкан 200дөн ашык ден-соолук көйгөйлөрүнө себепчи фактор болуп саналат.

Спирт ичимдиктери ДАЛИ (майыптыктан улам жоголгон өмүр жылдары) боюнча бааланган оорулардын жана жаракаттардын жалпы дүйнөлүк көрсөткүчүнүн 5,1% түзөт.

Спирт ичимдиктерин колдонуу өлүмгө жана майыптуулукка алып келет. 20-39 жаштагы адамдардын арасында бардык өлүмдөрдүн болжол менен 13,5% ичкиликке байланыштуу.

Спирт ичимдиктерин зыяндуу колдонуу менен бир катар психикалык жана жүрүм-турумдук бузулуулар, башка жугуштуу эмес ден соолук көйгөйлөрү жана травмалардын ортосунда себептик байланыш бар.

Акыркы убакта алкоголдук ичимдиктерди зыяндуу колдонуу менен кургак учук сыяктуу жугуштуу оорулардын, ошондой эле ВИЧ/СПИДдин жүрүшүнүн ортосунда себептик байланыштар аныкталды.

Алкоголдук ичимдиктерди зыяндуу пайдалануу ден соолукка тийгизген кесепеттеринен тышкары, жеке адамдарга жана жалпы коомго олуттуу социалдык жана экономикалык зыян келтирет.