Президент Кочкор районунун акимин алмаштырды

Нарын облусунун Кочкор районунун акими Камил Чоткараев кызматынан бошотулду, деп билдирет президенттин басма сөз кызматы. 

"Президент Садыр Жапаров кол койгон тескемеге ылайык, КР Конституциясынын 70 - беренесинин 1-бөлүгүнүн 6-пунктуна, 71-беренесине ылайык Нарын облусунун Кочкор районунун мамлекеттик администрациясынын башчысы – аким Чоткараев Камил Алияскарович ээлеген кызмат ордунан бошотулду", - деп айтылат маалыматта. 

Мамлекет башчысы кол койгон башка тескемеге ылайык, Баялы Досалиев Нарын облусунун Кочкор районунун акими болуп дайындалды.