Төө-Ашууда оор жүк ташуучу унааларга чектөө киргизилди

Бүгүн, 8-декабрь, саат 12:50дөн тарта Бишкек-Ош унаа жолундагы Төө-Ашуу ашуусунда (Сосновка постунан) оор жүк ташуучу унаалар үчүн убактылуу чектөө киргизилди. 

Транспорт жана коммуникациялар министрлигинин маалымат кызматынан билдиришкендей, аймакты караган № 9 Жол тейлөө ишканасы тарабынан тазалоо, инерттик материалдарды себүү иштери жүрүүдө.

Министрлик кандай кырдаал жаралбасын каршы тилкеге чыкпай, жол эрежесин так сактоого жана унаа дөңгөлөктөрүн кышкыга алмаштырып алууга чакырат.