Кыргыз жарандары эми жаңыланган үлгүдөгү паспортторду ала башташат

Кыргызстанда бүгүн, 3-ноябрда жаңы үлгүдөгү жалпы жарандык паспорттор жана ID-карталардын расмий презентациясы болуп өттү. Иш-чарада президенттин иш башкаруучусу Каныбек Туманбаев жаңы документтердин коопсуздугуна өзгөчө көңүл буруп, буларга токтолду:

«Жаңы паспортторду жана ID-карталарды эми жасоого же жасалма жолу менен колдонууга мүмкүн эмес».

Жаңы үлгүдөгү паспорттор бир катар жаңылануулар менен коштолду.

 • Мамлекеттик символдордун өзгөрүшүнө — жаңы желекке ылайыкташтырылды;
 • Толук өндүрүш процесси Кыргызстанда жүргүзүлөт, документтер «Учкун» ААКсынын базасында даярдалат;
 • Инновациялык технологиялар жана коргоо элементтери колдонулуп, жасалма документтерге каршы жогорку коопсуздук деңгээли камсыздалды.

Жаңы паспорттун артыкчылыктары:
 • Чек араларда жарандарды так жана ыкчам эсепке алуу мүмкүнчүлүгү;
 • Трансчек аралык кылмыштуулукка каршы эффективдүү күрөш;
 • Жасалма документтердин колдонулушун толук жоюу;
 • Миграциялык көзөмөлдүн сапатын жакшыртуу.

Жаңы үлгүдөгү паспорттор Президенттин Иш башкармасына караштуу «Кызмат» мамлекеттик мекемеси, «Учкун» ААК жана Кыргыз Республикасынын Санариптик өнүгүү жана инновациялык технологиялар министрлиги тарабынан биргеликте иштелип чыкты.