Сокулук районундагы Кожомкул айылында мектептен өрт чыкты

Чүй облусунун Сокулук районундагы Кожомкул айылында 29-октябрда мектептин имаратынан өрт чыкты.

Тартылган видео социалдык тармактарга жарыяланды. Кадрларда имараттын жогорку кабатындагы терезелерден жалын чыгып, чатырдын үстүнө түтүн көтөрүлүп жатканы көрүнөт.

Окуянын күбөлөрүнүн айтымында, өрт мектептин имаратынын бир бөлүгүн каптаган.

Өрттүн келип чыгуу себептери, аянты жана жабыркагандар бар-жогу такталууда. Маалымат жарыяланган учурда окуя боюнча расмий маалымат бериле элек.