"Түндүк" порталында кандай санариптик документтер жеткиликтүү
Кыргыз Республикасынын Санариптик өнүктүрүү министрлиги «Түндүк» тутумунун жетишкендиктери жана мамлекеттик кызматтарды санариптештирүүнүн жыйынтыктары тууралуу маалымдайт.
Сандар: 3+ миллиард маалымат алмашуусу — мамлекеттик органдар менен жеке сектор арасындагы 3 006 846 764 маалымат алмашылды! Бул - кагаз иштерин жоюуга жана кызмат көрсөтүү процессин тездетүүгө жардам берет.
“Түндүк” тутумунда 1343 кызмат жана 311 катышуучу болду.
2024-жылы “Түндүк” порталында жана мобилдик тиркемесинде 11 миллион онлайн-кызмат көрсөтүлдү, колдонуучулардын саны 1,7 миллионго жетти. Санариптик документтер — дайыма колуңузда .
«Tunduk» тиркемесинде 9 санариптик документ бар, алардын арасында паспорт, айдоочулук күбөлүк, туулгандыгы тууралуу күбөлүк ж.б.
2024-жылы кошулган санариптик документтер:
- Пенсиялык күбөлүк
- Жеке ишкерди каттоо күбөлүгү
- Аттестат/билим жөнүндө күбөлүк
Бул документтер кагаз түрүндөгү документтер менен бирдей юридикалык күчкө ээ жана мамлекеттик органдарда, ошондой эле жеке сектордо колдонууга болот.
2024-жылы “Түндүк” порталында 14 жаңы кызмат киргизилди. Алардын ичинде:
- Мүлк салыгы боюнча карыздын жоктугу/бардыгы жөнүндө маалымкат,
- ЖААК документтерин санариптештирүү,
- Соттолбогондугу тууралуу маалымкат алуу үчүн арыз берүү,
- КТБга онлайн-кезек алуу,
- Кыймылсыз мүлктү онлайн-кайра каттоо,
- Жашаган жери боюнча онлайн-каттоо.
Кыргыз Республикасынын Санариптик өнүктүрүү министрлиги мамлекеттик кызматтарды алуу процессин жеңилдетүү жана санариптештирүүнү өнүктүрүү иштерин улантууда.