Салык кызматы өлкө аймактары боюнча социалдык мекемелерге жаңы жылдык белектерди тапшырды

Мамлекеттик салык кызматынын кызматкерлери социалдык колдоо көрсөтүү максатында өлкөнүн бардык аймактарындагы социалдык мекемелерге жаңы жылдык белектерди беришти.

Иш-чаранын алкагында мүмкүнчүлүгү чектелген жарандарга, аз камсыз болгон үй бүлөлөргө, жатак-мектептердин тарбиялануучуларына, балдар ооруканаларында дарыланып жаткан балдарга, ошондой эле улгайган адамдарга жаңы жылдык белектер жана азык-түлүк тапшырылды.

Салык кызматынын кызматкерлери жарандарды келе жаткан Жаңы жылы менен куттуктап, аларга бекем ден соолук, узун өмүр, жаркын келечек жана жаңы жылда ийгиликтерди каалашты.

Белгилей кетсек, социалдык колдоо иш-чараларына Кыргыз Республикасынын бардык аймактарындагы Мамлекеттик салык кызматынын кызматкерлери активдүү катышты. Бул демилге социалдык мекемелердин тарбиялануучуларына жана жардамга муктаж жарандарга туруктуу колдоо көрсөтүүгө багытталган.