Кыргызстандын туристтик потенциалы Новосибирскиде тартууланды

Кыргызстанлын туристтик потенциалын жайылтуу жана туризм тармагындагы кызматташууну активдештирүү максатында Кыргыз Республикасынын Новосибирск шаарындагы Башкы консулдугу Сибирь округунун Илимдер академиясына караштуу Мамлекеттик коомдук илимий-техникалык китепкана жана Кыргыз Республикасынын Экономика жана коммерция министрлигине караштуу Туризм департаменти менен биргеликте Кыргызстандын туристтик уюмдарынын жана компанияларынын Сибирь федералдык округунун туристтик компаниялары менен кеңейтилген онлайн-жолугушуусун уюштурду.

Иш-чаранын алкагында Кыргыз Республикасынын Новосибирск шаарындагы Башкы консулу Айбек Айдарбеков Сибирдеги туристтик агенттиктердин өнөктөштүктү кеңейтүү боюнча демилгелерин жана сунуштарын колдоого, ошондой эле Новосибирск облусунун туристтик компаниялары үчүн Кыргызстанга инфо-турун уюштурууга көмөктөшүүгө даяр экенин белгиледи.

Иш-чарага Кыргызстандын жана Новосибирск облусунун 20дан ашуун туроператору катышты, Кыргыз Республикасынын туристтик мүмкүнчүлүктөрү тууралуу видеороликтер көрсөтүлүп, “Кыргызстанга терезе” аттуу фотокөргөзмө ачылды.