«Чакан ГЭСте» учурдагы оңдоо иштери жүргүзүлүүдө

«Чакан ГЭС» ААК объектилеринде учурдагы оңдоо иштери улантылып, белгиленген графикке ылайык, Кичи ГЭСте (МАГЭС) оңдоо иштери жүрүүдө. Бул тууралуу Энергетика министрлигинен билдиришти. 

Иштер СШ-10 кВ, ТСН 160 кВА жабдууларын, ошондой эле Т1 жана Т2 трансформаторлорун (250 кВА) камтыйт.

Мындан тышкары, Лебединовка ГЭСинде В-35 жабдууларынын, анын ичинде Т1 трансформаторуна оңдоп-түзөө иштери жүргүзүлүүдө.

Учурдагы оңдоо иштерине төмөнкүлөр кирет:
• Контакттарды тазалоо;
• Электрдик өлчөөлөр;
• Электр сыноолору;
• Профилактикалык көзөмөл;
• Трансформатордук майдын лабораториялык анализ үчүн тандалып алынышы.

Мындан тышкары, энергияны рационалдуу пайдалануу максатында компаниянын бардык объектилеринде кыймыл сенсорлорун орнотуу иштери жүрүп жатат. Ал эми өндүрүштүк участоктордо, анын ичинде Ачык таратуучу түзүлүш (ОРУ) жана напордук бассейндерде, жарык берүү системалары фотореле менен жабдылып, бул жарыктын күндүз автоматтык түрдө өчүрүлүшүн камсыздап, электр энергиясын үнөмдөөгө өбөлгө түзөт.

Бардык иштер бекитилген графикке ылайык өз мөөнөтүндө жүргүзүлүүдө.