Жээнбек Кулубаев Франциянын ТИМине караштуу тышкы соода боюнча министрин кабыл алды

Тышкы иштер министри Жээнбек Кулубаев бүгүн, 27-майда Франциянын ТИМине караштуу тышкы соода боюнча министри Лоран Сен-Мартенди кабыл алды. Бул тууралуу ведомствонун басма сөз кызматынан кабарлашты.

Жолугушууда кыргыз-француз мамилелеринин актуалдуу маселелери, Европа Биримдигинин алкагындагы кызматташтык, ошондой эле эки тараптуу кызматташууну активдештирүү жолдору талкууланды.

Тараптар саясий диалогду чыңдоого, соода-экономикалык мамилелерди кеңейтүүгө жана маданий-гуманитардык байланыштарды өнүктүрүүгө өз ара кызыкдар экенин ырастап, жогорку жана жогорку деңгээлдеги сапарларды уюштурууга өзгөчө көңүл бурушту.

Атап айтканда, энергетика, транспорт жана логистика, тоо-кен өнөр жайы, ошондой эле туруктуу жана экологиялык туризм тармактарында кызматташууну кеңейтүү үчүн потенциалдуу багыттар белгиленди.

Л.Сен-Мартен Франциянын өлкө экономикасына француз инвестицияларын тартуу, ошондой эле француз маданиятын жайылтуу, атап айтканда, Кыргызстандагы мектептерде француз тилин окутуу аркылуу Кыргызстан менен эки тараптуу мамилелерди өнүктүрүүгө кызыкдар экенин ырастады.

Кыргызстанда француз компанияларынын жогоруда аталган долбоорлорду ишке ашырууга кызыгуусу канааттануу менен билдирилди, бул 2025-жылдын 27-майындагы жолугушуунун алкагында Кыргызстанга келген француз жана кыргыз ишкерлеринин катышуусунда өткөн B2B форматындагы ийгиликтүү жолугушуулар менен тастыкталат.

Министр Кулубаев ошондой эле Франциянын делегациясына тоолорду туруктуу өнүктүрүү жаатында Кыргызстан тарабынан көтөрүлүп жаткан эл аралык демилгелер тууралуу маалымат берди.