Баткен облусунда быйыл 13 ири өндүрүш ишканасы пайдаланууга берилет

Баткен облусунда учурда 13 ири өнөр жай долбоору ишке ашууда. 

Облустагы өкүлчүлүктөн билдиришкендей, аларды жыл аягына чейин пайдаланууга берүү мерчемделген. 

Алар:

• Кадамжай районундагы «Кожо-Кайыр-1» 300 кВт кичи ГЭСинин курулушу;
• Кадамжай районунун Жеңиш айылында жайгашкан Халмион Пром ЖЧКсы тарабынан курулуп жаткан автогазоблок  заводунун курулушу;
• Кадамжай районунун Көк-Талаа айылында курулуп жаткан, Кыргыз-Түрк биргелешкен мунайды кайра иштетүүчү заводу;
• Айдаркен шаарныдагы Таш майдалоочу жана бетон аралаштыруучу заводдун курулушу;
• Лейлек районунун Катраң айылындагы соода-логистикалык борбордун курулушу;
• Лейлек районундагы «Сүлүктү талаа-11» көмүр кени;
• Сүлүктү шаарындагы «Адахан» көмүр кени;
• Сүлүктү шаарындагы «Мурас» көмүр кени;
• Баткен районунун Самаркандек айылындагы  логистикалык борбор;
• Баткен районунун Ак-Татыр айылындагы пластикалык калдыктарды кайра иштетүүчү заводу;
• Баткен районунун Самаркандек айылындагы жашылча-жемиштерди кайра иштетүүчү цехи;  
• Кызыл-Кыя шаарындагы шифер комбинатынын курулушу;
• Баткен шаарындагы өнөр-жай зонасында жайгашкан  асфальт-бетон заводу.