РФ ТИМ башчысы Сергей Лавров расмий иш сапары менен Кыргызстанга келет

Тышкы иштер министри Жээнбек Кулубаевдин чакыруусу боюнча Россия Федерациясынын тышкы иштер министри Сергей Лавров 2025-жылдын 28-29-июнунда Кыргызстанга расмий сапар менен келет. Бул тууралуу КР ТИМден кабарлашты. 

Иш сапардын алкагында эки өлкөнүн тышкы саясат ведомстволорунун башчыларынын сүйлөшүүлөрү пландалып, анда кыргыз-орус стратегиялык өнөктөштүктүн жана союздаштыктын актуалдуу маселелери, ошондой эле эки тараптуу өз ара аракеттенүүнүн жана эл аралык күн тартибинин негизги аспектилери талкууланат.