ИИМ аймактык ички иштер бөлүмдөрүнө 30 жаңы унаа тапшырды.

ИИМдин борбордук аппаратынын имаратынын алдында бүгүн, 14-мартта аймактык бөлүмдөргө жаңы автоунааларды тапшыруу аземи болуп өттү. Бул тууралуу ИИМден кабарлашты. 

Иш-чарага ички иштер министри Улан Ниязбеков, министрдин орун басарлары, ИИМдин Борбордук аппаратынын башкы башкармалыктарынын жана бөлүмдөрүнүн жетекчилери катышты.

ИИМдин имаратынын алдында жаңы кызматтык унаалардын ачкычтарын тапшыруу иш-чарасы болуп, бардык тиешелүү каражаттар менен жабдылган 30 «Нива» үлгүсүндөгү унаалар аймактык бөлүмдөргө бөлүнүп берилди. 

Бул 30 автоунаа милициянын аймактык бөлүмдөрү үчүн алынган. Алардын: 

• 10 унаасы - Ысык-Көл облустук ички иштер башкармалыгынын Туристтик-экологиялык милиция бөлүмдөрүнө,
• 10 унаасы - Ош шаарынын бөлүмдөрүнө,
• 10 унаа - Бишкек шаарынын бөлүмдөрүнө берилди.

Керектүү техникалык жактан жабдылган автоунаалар жарандардын коопсуздугун камсыз кылууга ыкчам чара көрүү үчүн берилди.