Буту сынган адамды тоодон түшүрүп, ооруканага жеткиришти

Бүгүн Чүйдүн Москва районуна караган жайлоолордун бириндеги Широкий коктусунда 1960-ж.т. Ж.У. аттуу эркек киши бутун сындырып алган.

Тоодон түшүп жатканда кырсыктаган адамды куткаруу үчүн 112 кызматына маалымат келген.

Жардам көрсөтүүгө Өзгөчө кырдаалдар министрлигинин Куткаруучулары даярдоочу мамлекеттик борбордон 5 куткаруучу жөнөтүлгөн.

Ага медициналык алгачкы жардамды көрсөтүшүп, тоодон түшүргөн соң ооруканага жеткиришкен. Учурда абалы орто.