Бишкекте көп кабаттуу үйдөн өрт чыгып, бир адам түтүнгө ууланды

Бишкектин Токомбаев көчөсүндө жайгашкан көп кабаттуу үйдүн 2-кабатында электр калканынан чыккан өрт чыккан. Бул тууралуу ӨКМдин басма сөз кызматынан билдиришти. 

Кырсык бүгүн, 13-июнда катталган. Тилсиз жоо  саат 13:19да толугу менен өчүрүлдү.

Өрттү өчүрүүгө жалпы 3 бөлүм жана штаб тартылган.

Өрттүн кесепетинен 54 жаштагы эркек киши түтүнгө ууланып, тез жардам кызматы тарабынан биринчи медициналык жардам көрсөтүлгөн. Абалы жакшы.