"Кыргызфармация" мамлекеттик ишканасына жаңы жетекчи дайындалды

Талант Султанов «Кыргызфармация» мамлекеттик ишканасынын директору болуп дайындалды.

Тиешелүү тескемесине министрлер кабинетинин төрагасы Адылбек Касымалиев кол койгон. 

«Кыргызфармациядан» кабарлашкандай, бүгүн, 12-мартта министрлер кабинетинин төрагасынын орун басары Эдил Байсалов жана саламаттыкты сактоо министри Эркин Чечейбаев «Кыргызфармация» мамлекеттик ишканасынын жамаатына жаңы жетекчисин тааныштырышты.