Бишкектин Исанова көчөсүнө асфальт төшөө иштери башталды

“Бишкекасфальтсервис” ишканасынын адистери Насирдин Исанов көчөсүнүн жол жээгине асфальт-бетон аралашмасын төшөй баштады.

Мэриянын басма сөз кызматы билдиргендей, жолдун жаңы катмары Щербакова көчөсүнөн Васильева көчөсүнө чейин болот.

Жолдун жээгине асфальт-бетон аралашмасы төшөлгөндөн кийин жол кызматкерлери тротуарга асфальт төшөө иштерин башташат.

Ысык аралашманы төшөө иштери аяктагандан кийин жол белгилерин түшүрүү жана белгилерди орнотуу пландалууда.

Белгилей кетсек, бардык даярдык иштери жана ирригациялык системаны, бордюрларды орнотуу иштери бүткөрүлгөн.