ӨКМ: Чоң-Алайда маданият үйүнөн өрт чыкты

Ош облусунун Чоң-Алай районундагы Кашка-Суу айылында маданият үйүнөн өрт чыккан. Бул тууралуу Өзгөчө кырдаалдар министрлиги билдирет. 

Кырсык 19-декабрда катталган. 

Жалынды өчүрүүгө эки бөлүм тартылып, саат 17:33тө чектөөгө алынган.

"Шамалдын катуу соккондугуна байланыштуу өрт тутанып жатат. Буга байланыштуу өрттү толук өчүрүү иштери бүгүн да уланууда, - деп кошумчалашты министрликтин басма сөз кызматынан.