Бишкекте III Элдик курултай башталды

Бишкектеги президент Садыр Жапаровдун катышуусунда III Элдик курултай башталды. Ал эки күнгө уланат - 20-21-декабрь.

Курултайга өлкөнүн бардык аймактарынан 700 делегат, ошондой эле Жогорку Кеңештин Төрагасы, Министрлер Кабинетинин Төрагасы жана анын орун басарлары, министрликтердин, ведомстволордун, жалпыга маалымдоо каражаттарынын жана башка уюмдардын жетекчилери катышууда.

Иш-чараны чагылдыруу үчүн 100дөн ашык ЖМК өкүлдөрү аккредитациядан өткөн.