Ала-Букадагы сел эки унааны жана эки көпүрөнү агызып кетти

Жалал-Абад облусунун Ала-Бука районундагы сел эки унааны жана эки көпүрөнү агызып кетти. Бул тууралуу ӨКМден кабарлашты. 

Такталган маалымат боюнча бүгүн, 14-апрелде Ак-Тайлак айылында мөндүр аралаш жамгырдан улам кокту-колоттордон сел жүргөн.

Жабыр тарткандар жок.

Жарандык коргонуу кызматтары тарабынан 2 оор инженердик техника тартылып, ички жоллор калынбына келтирилип, Көк-Таш, Көк-Серек айылдарына баруучу жол эки тараптуу ачылды.

Жерине тактоо жумуштары Ала-Бука райондук өзгөчө кырдаалдар бөлүмүнүн ыкчам тобу тарабынан жүрүүдө жана абал көзөмөлгө алынууда.