ӨКМ эскертет! Унаалар ортосундагы 500 метр аралыкты так сактагыла

Кыргызгидромет борбору аба ырайына байланыштуу чукул билдирүү таратты. 

Кыргызстан аймагында 8-9-декабрь күндөрү туруксуз аба ырайы күтүлөт: көпчүлүк аймактарда мезгил-мезгили менен кар жаашы, Чүй, Жалал-Абад, Ысык-Көл облустарынын айрым жерлеринде жаан-чачын катуу жаашы күтүлөт.

Туруксуз аба ырайы автоунаа, энергетика жана коммуналдык кызматтардын ишин жана жайыттарда мал кармоону кыйындатат.

Андыктан ӨКМ айдоочуларга жана жол жүрүүчүлөргө эскертет:

• унааңыздын жайкы дөңгөлөгүн кышкыга алмаштырыңыз. Жайкы дөңгөлөктүү унаалар “Сосновка”, “Арал” постторунан өткөрүлбөйт!
• алыскы жолго чыгууда дары-дармек, тамак-аш, суу, күрөкчө, дөңгөлөк чынжырчасын алыңыз;
• унаалардын ортосундагы 500 метр аралыкты так сактаңыз;
• Зарылчылыгы жок болсо, алыска жол жүрүүнү башка күндөргө жылдырыңыз!

Кырсык катталган учурда 112 бирдиктүү номерине байланышыңыз. Чалуу акысыз жана күнү-түнү кабыл алынат.