Кыргызстанда жеке маалыматтардын чыгып кетиши тууралуу билдирүү милдеттүү болушу мүмкүн

Кыргызстанда жеке маалыматтардын чыгып кетиши жана компрометацияланышы учурлары тууралуу Жеке маалыматтарды коргоо боюнча мамлекеттик агенттикке милдеттүү түрдө билдирүү сунушталууда.

Мындай чара 2026–2030-жылдарга карата жеке маалыматтарды коргоону өнүктүрүү стратегиясынын долбоорунда каралган.

Маалыматтардын ээлери жана иштетүүчүлөрү аныкталган инциденттер тууралуу билдирип, көрүлгөн чаралар жөнүндө маалымат берүүгө жана келтирилиши мүмкүн болгон зыянды азайтуу боюнча чараларды көрүүгө милдеттүү болушат.

Мындан тышкары, маалыматтардын чыгып кетиши, мыйзамсыз жетүү, маалыматтарды уруксатсыз таратуу жана башка бузууларга байланыштуу инциденттерди каттоонун улуттук системасын түзүү сунушталууда.

Система мындай учурлар тууралуу маалыматтарды борборлоштурулган түрдө чогултууга жана талдоого мүмкүндүк берет.