Нарындагы Туз-Бел ашуусу ачылып, каттам берилди 

Бишкек-Нарын-Торугарт жолунун 506-508-чакырымдар аралыгы (Түз-Бел ашуусуна) ачылып, каттам берилди. Бул тууралуу Транспорт жана коммуникациялар министрлигинин маалымат кызматынан билдиришти. 

Азыркы тапта аймакты караган № 957 Жол тейлөө ишканасы тарабынан тазалоо, кеңейтүү, инерттик материалдарды чачуу иштери уланууда.

Белгилей кетсек, кечээ 10-декабрь күнү Түз-Бел ашуусунда жол көрүнбөй, сааттап болгон катуу бороондон улам унаалардын бардык түрүнө убактылуу чектөө киргизилген.