Жыл башынан бери Кыргызстанда жол кырсыгынан каза болгондордун саны 16%га өстү

Башкы прокуратуранын маалыматына караганда, үстүбүздөгү жылдын январь-март айларында республиканын аймагында 1 миң 491 жол кырсыгы катталды.

Былтыркы жылдын ушул мезгилине салыштырмалуу жол кырсыгынын саны 9,3%га өскөн. 

Аймактар боюнча бөлүштүргөндө:

• Бишкек шаарында – 52%,
• Чүй облусунда – 18%,
• Ош облусунда – 9%.

Катталган жол кырсыгынан 2 миң 200 адам ар кандай жарааттарды алган, бул көрсөткүч 2023-жылдын январь-мартына салыштырмалуу 12%га көп, 115 адам каза болгон (16%).

Балдардын катышуусунда 370 жол кырсыгы катталган.