Кыргызстанда күчү 4,5 баллга жеткен жер титирөө катталды

Кыргызстандын аймагында жер титирөө катталды, деп кабарлайт Өзгөчө кырдаалдар министрлигинин басма сөз кызматы. 

КР Сейсмология институтунун маалыматына ылайык, жер титирөө бүгүн, 19-мартта саат 19:16да катталып, очогунда күчү 4,5 баллга жеткен.

Жер титирөө Нарын облусунун Ат-Талаа районунун Кара-Ой, Кадыралы, Жаңы-Талап айылдарында 4 баллга, Ак-Кыя айылында 3,5 балл, Баетов айылында 3 балл жана Нарын районунун Учкун, Ак-Кудук, Восьмое марта айылдарында 3,5 баллга чейин (Кара-Ой айылынан 7 чакырым түндүк чыгышка, Кадыралы айылынан 9 чакырым түндүк батышка) чейин сезилген.

Алдын ала маалыматка ылайык, жабыркагандар жана кыйроолор катталган жок.