Каракөл ГЭСинин курулушу кызуу жүрүп жатат

«Чакан ГЭС» ААКсына караштуу Каракөл ГЭСинде курулуш иштери кызуу жүрүүдө. Курулуш-монтаждоо иштерин (КМИ) жүргүзүү «Жагалмай» ЖЧКсына жүктөлгөн, жана учурда даярдык жана негизги курулуш иштеринде олуттуу жыйынтыктарга жетишилди.

Даярдык иштери:

• Жалпы узундугу 2,8 км болгон чарбалык жолдордун курулушу аяктады.
• Жолдорду коргоо үчүн жээкти бекемдөө иштери жүргүзүлдү.
• 110 кВ ачык бөлүштүрүүчү тутумдар (ОРУ) курууга аянтча толугу менен даярдалды.

• Курулуш учурунда сууну убактылуу буруу үчүн атайын каналдын курулушу аяктады.
• Башкы суу алуу курулушу, ошондой эле чөкмө топтоо жана аванкамеранын курулушу уланууда.
• ГЭСтин имараты үчүн казылган котлован даярдалды, азыр фундаменттик плитаны бетон менен куюу иштери жүрүп жатат.
• Басым түтүктөрү үчүн болот листтерин жеткирүү жана түтүк секцияларын даярдоо 100% аткарылды.
• Басым түтүктөрүнүн секцияларын монтаждоо иштери 30%га бүткөрүлдү.

Каракөл ГЭСинин курулушу 2026-жылдын биринчи жарымында аякташы пландалууда.