Кара-Кулжа менен Алайда көп тармактуу маданий борборлор салынууда

Ош облусунун Кара-Кулжа жана Алай райондорунун борборлорунда мамлекеттик кызматтарды бир жерден көрсөтүүгө багытталган заманбап коомдук-маданий борборлордун курулушу жүрүп жатат.  Бул тууралуу президенттин облустагы өкүлчүлүгүнөн кабарлашты. 

Үч кабаттуу бул имараттарда жергиликтүү тургундар жана райондун коноктору үчүн бардык ыңгайлуу шарттар түзүлөт.

Атайын долбоордун алкагында:

• кинотеатр,
• машыгуу залы,
• банк бөлүмдөрү,
• тейлөөчү уюмдар,
• конференц-зал жана башка кызмат көрсөтүүчү жайлар каралган.

Бул ири социалдык долбоор президент Садыр Жапаровдун колдоосу менен, Ош облусунун башчысы Элчибек Жантаев демилгеси аркылуу ишке ашырылып жатат.

Максат — тоолуу райондордун инфраструктурасын жакшыртуу, жарандар үчүн ыңгайлуу шарттарды түзүү жана жаңы жумуш орундарын ачуу.