Кыргызстанда аялдар эркектерге караганда орточо сегиз жыл узак жашайт

Кыргызстанда эркектер менен аялдардын өмүрүнүн узактыгында олуттуу айырма сакталууда.

2025-жылдын маалыматына ылайык, төрөлгөндө күтүлгөн жашоо узактыгы эркектерде 68,7 жашты, аялдарда 76,9 жашты түзгөн.

Аялдар менен эркектердин өмүрүнүн узактыгынын айырмасы сегиз жылдан ашат.

Пенсия курагына жетүү ыктымалдыгы аялдарда 90%дан жогору болсо, эркектерде болжол менен 80%ды түзөт.

Жаш курак өткөн сайын аялдардын саны эркектерге караганда көбөйөт. 80 жаштан жогорку курактагы аялдардын саны эркектерге караганда дээрлик эки эсе көп.

2026-жылдын башына карата эркектердин орточо жашы 28,2 жашты, аялдардыкы 30,1 жашты түзгөн.