Кыргызстанда бир жумада 331 мас айдоочу кармалды

Кыргызстандын аймагында 23-июндан 29-июнга чейин алдын ала маалымат боюнча, 25 миң 374 жол эрежесин бузуу фактысы аныкталды. Бул тууралуу Жол кыймылынын коопсуздугун камсыздоо башкы башкармалыгы кабарлайт. 

Маалыматка ылайык, анын ичинен:

• Тийиштүү документтери жок транспорт каражаттарын башкаруу - 779;
• Мас абалында унаа каражатын башкаруу - 331;
• Автоунаанын терезелерин мыйзамсыз караңгылатуу - 157;
• Жөө жүргүнчүлөр катышкан жол эреже бузуулар - 672;
• Транспорт каражаттарынын эксплуатациялоо эрежелерин бузуу - 4 749;
• Автоээнбаштык - 18;
• Белгиленген ылдамдыктан ашуу - 4 495;
• Жалган мамлекттик номуру менен унаа башкаруу - 9;
• Башка жол эрежелерин бузуу фактылары –11 468;
• Ар кандай жол эрежелерин бузгандыгы үчүн 2 696  авто унаа убактылуу токтотуучу айып короо жайына токтотулган.

КР ИИМдин ЖКККББгы айдоочулардан жол кыймылынын коопсуздугунун эрежелерин так сактоого чакырат.