Бишкектеги "Азия" соода борборунан өрт чыкты

Бишкектеги "Азия" соода борборунан өрт чыкты, деп кабарлайт Өзгөчө кырдаалдар министрлигинин басма сөз кызматы. 

Кырсык күн мурун, 20-апрелде катталган. Тилсиз жоо соода борборунун кампасынан чыгып, өрттү өчүрүүгө жалпы 2 күжүрмөн эсеп тартылган.

"Өрт саат 17:28де толук өчүрүлгөн", - деп айтылат маалыматта.

Өрттүн аянты 120 чарчы метрди түзгөн. Тилсиз жоодон жабыркагандар жок.

Кырсыктын келип чыгуу себеби такталууда.