Үч-Коргон ГЭСин реконструкциялоо иши активдүү жүргүзүлүүдө

Үч-Коргон ГЭСиндеги №3 гидроагрегатты реконструкциялоо долбоорунун алкагында кеңири масштабдагы иштер уланууда, деп билдирет Энергетика министрлигинин басма сөз кызматы. 

Маалыматка ылайык, бүгүнкү күндө №3 гидроагрегатты демонтаждоо иштери 91%га аткарылып, иштер активдүү жүрүп жатат.

Реконструкциялоонун алкагында төмөнкү негизги этаптар ишке ашырылууда:

* Жумушчу дөңгөлөктүн бычактарын демонтаждоо

* Жумушчу дөңгөлөктүн камерасын демонтаждоо

* 3-гидроагрегаттын техникалык суу менен жабдуу түтүктөрүн монтаждоо

* Статордун темирин чогултуу

* Жаңы борбордук башкаруу пультунда станцияны башкаруу тутумун жөндөө

3-гидроагрегатты ишке киргизүү 2025-жылдын ноябрь айына пландалган. Реконструкция бүткөндөн кийин анын кубаттуулугу 54 МВтты түзөт, бул модернизацияга чейинки көрсөткүчтөн 9 МВтка көп.

Бул станциянын жалпы өндүрүмдүүлүгүн жогорулатып, региондун энергетикалык туруктуулугун бекемдейт.