Таласта 185 даана трансформатор капиталдык оңдоодон өткөрүлдү

Талас электр тармактар ишканасы тарабынан 2024-жылдын күз-кыш мезгилине карата Талас облусунун аймагындагы 185 даана трансформатор капиталдык ремонттон өткөрүлдү.

Энергетика министрлигинен билдиришкендей, бул трансформаторлор төмөнкүдөй бөлүштүрүлдү:

• Талас шаардык электр тармагында — 22 даана,
• Бакай-Ата райондук электр тармагында — 43 даана,
• Талас райондук электр тармагында — 62 даана,
• Айтматов райондук электр тармагында — 33 даана,
• Манас райондук электр тармагында — 25 даана.

Капиталдык оңдоо учурунда трансформаторлордун майы алмаштырылып, эски жабдыктар жаңыртылды.

Мындан тышкары, 2024-жылдын 10 айынын жыйынтыгы боюнча, жалпы 973 даана трансформатор техникалык тейлөөдөн өткөрүлдү. Анын ичинен:

• Талас шаарында — 131 даана,
• Бакай-Ата районунда — 197 даана,
• Талас районунда — 319 даана,
• Манас районунда — 103 даана,
• Айтматов районунда — 223 даана трансформатор техникалык тейлөөдөн өткөрүлдү.