Бишкекте 9-кабаттан эки бала кулап кеткен

Бишкектеги Киев-Үмөталиев көчөлөрүнүн кесилишиндеги көп кабаттуу үйлөрдүн биринде 9-кабаттан эки бала кулап кеткен. Алардын бирөө төрт, экинчиси беш жашта болгон. Бул тууралуу Ленин райондук милициясынан кабарлашты. 

Кырсык бүгүн, 16-мартта болжол менен саат 17:00дө катталган. 

Жерине дарыгерлер жана Ленин районду милициясынын тергөө-ыкчам тобу келген. 

Каргашалуу окуядан бөбөктөрдүн экөө тең жеринде каза болгон.

Окуя боюнча тергөөгө чейинки териштирүү иштери башталып, тиешелүү экспертизалар дайындалды.