Ат-Башыда катуу шамал катталып, үйлөрдүн чатырын учурду 

Нарын облусунун Ат-Башы районунда бүгүн, 27-мартта ылдамдыгы секундасына 22 метрге жеткен катуу шамал катталып, турак үйлөрдүн чатырын учурду. Бул тууралуу ӨКМден кабарлашты. 

Маалыматка ылайык, Кара-Суу, Калинин, Дыйкан айылдарында кампалардын, чарбалык курулуштардын, сарайлардын жана Терек-Суу айылында 2 турак үйдүн чатырларын учуруп кеткендиги тууралуу маалымат түшкөн.

Шамал басылгандан кийин жеринде Жарандык коргоонуу комиссиясы келтирилген зыяндын көлөмүн аныктоо иш-чараларын жүргүзөт.

ӨКМ катуу шамал учурунда коопсуз жайларда болууну сунуштайт.

Өзгөчө кырдаалдарга кабылсаңыз токтоосуз "112" кызматына билдирүү калтырыңыз. Чалуу акысыз жана күнү-түнү кабыл алынат.