Мопет жана скутерлерге карата рейд уланууда

Кыргызстанда Мопет жана скутерлерге карата рейд уланууда. Бул тууралуу Жол кыймылынын коопсуздугун камсыздоо башкы башкармалыгы билдирет. 

Маалыматка ылайык, жыл башынан тартып 700дөн ашуун мото-скутерлер айып короо жайына токтотулган.

Мындай рейддик иш-чаралар мындан ары да улантылып жатат.

"Жакынкы күндөрү көлөмү 50 кубка чейинки мопед жана мото-скутер айдоочуларына кошумча “М” категориясы киргизилип, каттоого алынып, мамлекеттик номур тагылып, мото-скутер айдоочуларынын жоопкерчилиги күчөтүлөт. Бул багытта тийиштүү мыйзам долбоору иштелип чыгып, башка мамлекеттик кызматтар менен макулдашуу стадиясында турат", - деп айтылат маалыматта.