Ноокат – Араван жолунун 9 чакырымы асфальтталат

Ноокат районуна караган Ноокат – Араван жолунун 9 чакырымы асфальтталат. Бул тууралуу Транспорт жана коммуникациялар министрлигинин маалымат кызматы билдирет.

Маалыматка ылайык, азыркы тапта жер иштери жана кеңейтүү жумуштары кызуу жүрүүдө. Андан соң жолдун 10-19-чакырымдар аралыгында асфальт төшөө иштери башталат.

Жумуштар Транспорт жана коммуникациялар министрлигине караштуу № 37 Жол тейлөө ишканасы тарабынан аткарылып, иш ыргагы белгиленген график боюнча уланууда.