Кыргызстанда 415 ири жана орто ишкана катталган

Бүгүнкү күнгө карата Кыргызстандын аймагында тамак-аш азыктарын, ага кирген суусундуктарды жана тамеки өндүрүү багытында азыркы учурда иштеп жаткан 415 юридикалык ири жана орто ишканалар катталган. 

Айыл чарба министрлигинен кабарлашкандай, алардын ичинде облустар боюнча:

• Баткен облусунда – 7,
• Жалал-Абад облусунда – 38,
• Ош облусунда – 28,
• Ысык-Көл облусунда – 25,
• Нарын облусунда – 11,
• Талас облусунда – 4,
• Чүй облусунда – 136,
• Бишкек шаарында – 146 жана Ош шаарында  – 20.

Ошондой эле, тамак-аш азыктарын, ага кирген суусундуктарды жана тамеки өндүрүү багытында 10813 жеке ишкерлер катталган, алар:

• Баткен облусунда – 1214,
• Жалал-Абад облусунда – 1499,
• Ысык-Көл облусунда – 712,
• Нарын облусунда – 562,
• Ош облусунда – 3021,
• Талас облусунда – 194,
• Чүй облусунда – 1815,
• Бишкек шаарында – 1093,
• Ош шаарында – 703.

Белгилей кетсек, республиканын кайра иштетүүчү өнөр жайынын продукциясынын жалпы көлөмүндө тамак-аш азыктарын, ага кирген суусундуктар жана тамеки өндүрүү боюнча ишканалардын үлүшү отчеттук мезгилде 19,9 % ды түздү.

Алдын ала эсептөөлөр боюнча 2024-жылдын январь-ноябрь айларында айыл чарба продукциясын кайра иштетүү өнөр-жай ишканалары тарабынан учурдагы баа менен 53139,2 млн сом көлөмүндө тамак-аш азыктары, ага кирген суусундуктары жана тамеки өндүрүлгөн, физикалык көлөмдүн индекси (мындан ары текст боюнча ФКИ) – 120,1 % түздү.

Ал эми 2024-жылдын 30-ноябрына карата ЕАЭБ мүчө мамлекеттердин аймагы боюнча өткөрүлүүчү контролдонуучу товарларды өндүрүүнү, кайра иштетүүнү жана (же) сактоону жүзөгө ашыруучу Кыргыз Республикасынын уюмдарынын жана жактарынын реестринде болгону 400 субъект катталган, анын ичинде: 

• сүт продукциясын өндүрүү боюнча - 44,
• бал чогултуу жана сатуу - 68,
• балык кайра иштетүү - 44,
• термикалык иштетилген эт азыктарын өндүрүү - 21,
• улуттук сүт азыктарын өндүрүү - 3,
• касапкана - 11,
• тирүү малды өстүрүү жана сатуу - 35,
• канаттууларды кайра иштетүүчү ишканалар - 10,
• мал азыгын өндүрүү жана сатуу - 23,
• жаныбарлардан алынган азыктарды сактоо жана сатуу - 126,
• жаныбарлардан алынган сырьену (ичеги, жүн, тери) кайра иштетүү - 14,
• ветеринардык препараттар - 1.