Жогорку технологиялар паркынын резиденттери 11,4 млрд сом кирешеге жетти

КР Жогорку технологиялар паркынын резиденттеринин 2024-жылдагы кирешеси 11,4 млрд ($130,3 млн) сомго жетип, анын 94%ы экспортту түздү.

ЖТПнан кабарлашкандай, 2023-жылы бул көрсөткүч 7,8 млрд сомду ($89,1 млн) түзгөн.

2024-жылга экспорт 10,67 млрд сомду ($122 млн) түздү, бул жалпы кирешенин 93,57%ын түзөт.

2024-жылдын негизги көрсөткүчтөрү:

• Резиденттердин саны: 477 (2023-жылы — 383 компания)
• Киреше: 11,4 млрд сом ($130,3 млн) (2023-жылы — 7,8 млрд сом ($89,1 млн))
• Жумуш орундары: 2 859 (2023-жылы — 2 417)

2024-жылга мамлекетке төлөмдөр:

• Төлөмдөрдүн жалпы көлөмү 304,7 млн сомду ($3,5 млн) түздү, анын ичинде:
• Социалдык чегерүүлөр: 105,5 млн сом ($1,2 млн) (2023-жылы — 70,7 млн сом ($0,8 млн))
• Киреше салыгы: 199,2 млн сом ($2,3 млн) (2023-жылы — 161,5 млн сом ($1,8 млн))
• Эмгек акы фонду: 3,8 млрд сом ($43,4 млн) (2023-жылы — 3,7 млрд сом ($42,3 млн))

2024-жыл ЖТП КР үчүн кезектеги ишенимдүү өсүш жылы болду. Резиденттердин саны 24,5%га, ал эми киреше 2023-жылга салыштырмалуу 46%га өстү.

Жумуш орундарынын саны дагы өсүүдө, 18%га көбөйдү. Салыктык чегерүүлөрдүн олуттуу өсүшү Жогорку Технологиялар Паркынын өлкөнүн экономикасына кошкон салымын тастыктайт.

Жогорку Технологиялар Паркы (ЖТП) – Кыргыз Республикасында IT-секторун өнүктүрүү үчүн түзүлгөн мамлекеттик уюм. ЖТП IT-компаниялардын өнүгүшү үчүн жагымдуу шарттарды камсыздайт, аларга салыктык жеңилдиктерди, инфраструктурага жеткиликтүүлүктү жана башка артыкчылыктарды берет.