Балыкчыда 5 чакырым темир жол оңдоп-түзөөдөн өткөрүлөт 

Ысык-Көл облусунун Балыкчы шаарында темир жолдун капиталдык оңдоп-түзөө иштери жүргүзүлүп жатат. Бул тууралуу "Кыргыз темир жолу" ишканасынан кабарлашты. 

Жумуштар темир жолдун 3949 кмден 3954 кмге чейин жүргүзүлүүдө. Бул иш-чаранын негизги максаты – жайкы мезгилде Рыбачье бекетиндеги жүргүнчү поезддеринин кыймылынын коопсуздугун камсыздоо болуп саналат.

Негизги иштер:

• Эски рельстерди Р 65 тибиндеги рельстерге алмаштыруу
• Жыгач шпалдарды темир-бетон шпалдарга алмаштыруу
• Жалпы 5 км 400 м аралыкты оңдоо пландалган, анын ичинен 1 км 400 м иш аяктады
• Тартылган күчтөр жана каражаттар:
• Ишкананын жол чарба филиалынын 70тен ашуун кызматкери
• 12 даана атайын техника

Оңдоп-түзөө жумуштары уланууда.