Ат-Башыдагы миллионерлер: Социалдык контракттын эки катышуучусу жылына миллион табышат

Ат-Башыда эмгек, социалдык камсыздоо жана миграция министри Равшанбек Сабиров "Социалдык контракт" долбоорунун ийгиликтүү эки катышуучусу менен жолугушуп, алар өздөрүнүн ийгилик окуялары менен бөлүштү.

1976-жылы туулган Токон  кызы Асылдын баяны:

"2022-жылы кондитердик ишимди өнүктүрүү үчүн 100 миң сом алдым. Бул акчага жабдууларды сатып алып, нан, булочка, кекс жана башка таттууларды чыгара баштадым. Ошондой эле мен 200 миң сом пайызсыз насыя алып, өндүрүштү кеңейттим. Азыр мен бир айда кирешем 60 миңден 100 миң сомго жетип, беш адам иштеп жатат, бул мүмкүнчүлүк үчүн долбоорго абдан ыраазымын. . Даяр продукцияны айылдагы дүкөндөр аркылуу таратабыз. Мурда биз балдарга социалдык жөлөк пул алчубуз, эми менин жеке бизнесим жана туруктуу кирешем бар".

Дамира Турдалиева, 1972-жылы туулган:

"Социалдык контракт мага өз бизнесимди баштоого мүмкүнчүлүк берди. 2022-жылы мен 100 миң сом алдым жана аны кондитердик бизнеске жумшадым. Менин кирешем тез эле айына 100 миң сомго чейин өстү. Андан кийин мен пайызсыз насыя алып, "Манты борборун" — чакан ашкананы, ал эми 2025 — жылы "Ынтымак"эс алуу жана экотуризм үчүн жайкы комплексти ачтым. Бул жерде биз балык бизнес менен алектенүүнү пландап жатабыз. Биз 8 жумуш ордун түздүк, анын ичинде майыптуулугу бар адамдар үчүн дагы. Долбоорго чейин биздин үй-бүлө социалдык коргоодон жардам алсак, эми биз башкаларды өзүбүз колдойбуз".

Министр Равшанбек Сабиров:

"Асыл менен Дамиранын окуялары социалдык контракт адамдардын жашоосун өзгөртүүгө, туруктуу киреше жана жумуш орундарын түзүүгө кандайча жардам берээринин ачык мисалы. Биз региондорду өнүктүрүүгө жана жарандардын жашоо сапатын жакшыртууга өбөлгө түзгөн мындай демилгелерди колдоону улантабыз".

Ал ошондой эле жергиликтүү бийликтерге кошумча жардам берүүнү карап көрүүнү тапшырды.