Кыргызстан айыл чарба продукциясын өндүрүүнүн өсүшү боюнча ЕАЭБде алдыңкы үчтүккө кирди

2026-жылдын январь-май айларында ЕАЭБ өлкөлөрүндө айыл чарба продукциясын өндүрүү өткөн жылдын ушул эле мезгилине салыштырмалуу 0,9%га өстү. Өндүрүлгөн продукциянын көлөмү болжол менен 35 млрд долларды түздү.

Эң жогорку өсүш Беларусияда катталып, 4,3%ды түздү.

Кыргызстан биримдикке кирген өлкөлөрдүн арасында экинчи орунду ээледи. Республикада айыл чарба продукциясын өндүрүү 3,7%га өстү.

Казакстанда көрсөткүч 3,6%га жогоруласа, Россияда өткөн жылдын деңгээлинде калды.

Өсүштүн төмөндөшү Арменияда гана катталып, айыл чарба продукциясын өндүрүү 3,2%га азайды.

Ошентип, январь-май айларындагы айыл чарба продукциясын өндүрүүнүн динамикасы төмөнкүдөй болду:

• Беларусь – +4,3%;

• Кыргызстан – +3,7%;

• Казакстан – +3,6%;

• Орусия – 0%;

• Армения – −3,2%.